НАЙЗ БОЛЪЁ!
 

Бид найз нартаа байнга шинэ соргог бизнес санаа бэлэглэх болно.
Хүндэтгэсэн:
Таст овогт Ц.Энхтайван


2003 онд Хятадын Эрэгтэй хувцасны Fapai брэндийн үндэслэн байгуулагч Пэн Син 1970 онд Зэжиан мужын Веньжөү хотод төржээ. Пэн хүүхэд наснаасаа бизнесмен болно гэж шийдсэн бөгөөд Зэжианы их сургуульд бизнес удирдлагын мэрэгжлээр сурж төгсчээ. Тэрээр 19 настай их сургуулийн оюутан байхдаа Дүнбэй компаниа байгуулсан байна. Өөрийн өсөж төрсөн Зэжиан мужын үйлдвэрийн хувцас худалдан борлуулж, 27 настайдаа өөрийн оёдлын үйлдвэр байгуулах хангалттай хөрөнгө хуримтлуулж чаджээ.

Пэн Син төрөлх Веньжөү хотдоо эргэн ирж, брэнд хувцасны үйлдвэр байгуулан, хуримтлуулсан хөрөнгийнхөө ихээхэн хэсгийг реклам сурталчилгаанд зарцуулж, бизнесийн шинэ гараагаа эхэлсэн байна. Найз нөхөд нь түүний энэ ухаангүй зарлагыг шүүмжилж байсан ч "Би бизнес төлөвлөгөөндөө юу бодож тусгасаныг чи мэдэхгүй болохоор дахин илүү үг бүү дуугар" гэж тэднийг няцаадаг байлаа. Пэн хувцасны загварыг маш сайн мэдэрдэг төдийгүй муугүй дизайнер байлаа. Хүмүүс Брэндийн нэртэй бүтээгдэхүүнийг гар татахгүй өндөр үнээр худалдан авдаг гэдгийг мэдэх тул жижиг загвар, хямд үнэтэй бүтээгдэхүүн үйлдвэрлэхээс татгалздаг байв. Иймээс ч өөрийн брэндийн нэрийг Fapai () буюу Франц загвар гэж нэрлэжээ.

6 жилийн дараа компани эрэгтэй хувцасны шилдэг 20 компаний тоонд орж, улс даяар 50 брэнд дэлгүүртэй болсон байна. 2003 онд түүний брэндийг бүх дэлхий даяар мэддэг болов. Бүх дэлхийг доргиосон пиар (PR) нь ердөө 1000 доллор байсан бөгөөд ДОХ-ын эсрэг тэмцэж буй компаниудыг төлөөлж, өөрийн Брэндийн нэр бүхий Костюм, зангиа, цамц, гутлыг Америкийн ерөнхийлөгч Билл Клинтон Бээжинд айлчлах үед нь бэлэглэсэн байна. Хэвлэл мэдээллийн байгууллагууд энэ мэдээллийг дэлхий дахинаа цацан, Fapai компани Цагаан ордонд 2 сая доллор бүхий шагнал санал болголоо хэмээн цуурсэн байна. Америкийн Ерөнхийлөгчийн Хэвлэл мэдээллийн алба энэ гүтгэлэгийг няцаасан боловч энэ цуурхал Fapai брэндийн борлуулалтыг илэрхий нэмэгдүүлсэн юм.

Эдүгээ Fapai брэндийн костюм Америк болон Европын зах зээлд өргөн худалдаалагдаж байгаа бөгөөд тус үйлдвэр Хятадын шилдэг 500 компаний жагсаалтанд бүртгэгдээд байна.

Fapai брэнд Хятадад 400 гаруй эрэгтэй хувцасны төрөлжсөн дэлгүүр нээж, үндэслэн байгуулагчийн хөрөнгийн хэмжээ 2. 3 миллиард юань хэмээн зарлагдаад байна.

Хятад хэлнээс орчуулсан Ц.Энхтайван